Մատթեոս 19:10

Հիսուսի խստորեն սահմանած չափանիշը ամուսնության և ամուսնալուծության վերաբերյալ աշակերտների վրա մեծ ազդեցություն է ունենում։ Նրանց արձագանքը ցույց է տալիս, որ նույնիսկ աշակերտներն այդ ժամանակվա հասարակական մտածողության ազդեցության տակ էին, որտեղ ամուսնությունը շատ ավելի ազատ և կառավարելի հարաբերություն էր դիտվում։ Հիսուսի ուսուցումը հարվածում էր այդ ընկալման արմատներին և բերում պատասխանատվության բարձր նշաձող՝ միություն, որն անհնար է քմահաճորեն խզել։ Աշակերտները, լսելով սա զարմանում են, որովհետև հասկանում են, որ իրական, աստվածահաճո ամուսնություն ունենալը պահանջում է սրտի պատրաստակամություն, հավատարմություն և զոհողություն։ Նրանց արձագանքը՝ «ավելի լավ է չամուսնանալ», բացահայտում է, որ մարդը հաճախ ցանկանում է ընտրել հարաբերություն՝ առանց դրա հետ կապված պատասխանատվության։ Իսկ Հիսուսն ուզում է, որ մենք նախ ընտրենք սրտի ճշմարիտ վերաբերմունք, ոչ թե հարաբերության ձև։