Մատթեոս 22:20

Այս երկու համարներում Հիսուսը, պահանջելով հարկի դինարը, տալիս է պարզ, բայց խոր իմաստ ունեցող հարց՝ դինարի վրայի պատկերի և գրության պատկանելիության մասին։ Դրանով Նա ստիպում է նրանց, որպեսզի իրենք արտաբերեն ճշմարտությունը, որը ինչպես կտեսնենք կդառնա իրենց իսկ հարցի պատասխանը։ Դինարի վրա պատկերված էր կայսրի դիմանկարը և նրա անունը, ինչը նշանակում էր, որ դրամը պատկանում է կայսրին և գործածվում է նրա իշխանության ներքո։ Այս հարցը, որը թվում է պարզ, իրականում բացահայտում է Հիսուսի աստվածային իմաստությունը․ Նա նախ նրանց բերանից է ստանում խոստովանություն, որ հարկի դրամը կապված է կայսրի իշխանության հետ և դրանով իսկ նախապատրաստում է նրանց, Իր ամփոփ՝ իմաստությամբ զարմացնող պատասխանին: